br23 - два бакі аднаго блогера

Спальваньне нацыянальнага сьцяга Даніі, незьлічоныя дэманстрацыі пратэсту, байкатаваньне дацкіх прадуктаў і выкіданьне іх з крамаў, закідваньне Дацкіх пасольстваў тухлымі яйкамі і камянямі, высылка дацкіх дыпляматаў, пагрозы з аўтаматамі Калашніка (гл. фоткі на BBC), ананімныя пагрозы забойства на адрас дацкіх журналістаў…

…усё гэта было выклікана публікацыяй некалькіх карыкатур на ісламскага прарока Мухамада ў мясцовай дацкай газэце, на другім канцы эўразійскага кантынэнту.

Калі гэта не зьяўляецца для вас дастатковым доказам, што ісламскі фундамэнталізм — гэта сьмяротная барбарская сіла, якая паргражае ўсім нам у цывілізаваным сьвеце, то я ўжо і ня ведаю, якія доказы вам патрэбныя.

У гэтым сэнсе, клінічна выглядае пазыцыя расейскага кіраўніцтва ў асобе У.У.Пуціна. Пуцін, на якога грамадзянін Іраку ў Азэрбайджане рыхтаваў і амаль зьдзесьніў сьмяротны напад, публічна асудзіў дацкіх журналістаў і дацкі ўрад (!) і заявіў, што яны няправільна праводзяць “дыялёг цывілізацый”. Дык будзе яму “дыялёг цывілізацый”. Наступным разам арабскі тэрарыст будзе больш удачлівым, і Пуцін атрымае сабе “дыялёг”.

З гэтага вынікае, што асабісты вартасны выбар у вас такі: Расея+Ісламскія краіны або Эўропа. Чыі вартасьці выбіраеце вы?

Я выбар зрабіў даўно, у сярэдзіне 1990-х. А ў гэтай сытуацыі мне вельмі спадабалася ідэя, якая цыркулюе ў многіх англамоўных блогах, што ў адказ на арабскі байкот Даніі мы павінны падтрымаць датчан і пачаць купляць дацкія прадукты.

Трохі палазіўшы па інтэрнэце, я склаў сьпіс вядомых дацкіх прадуктаў і брэндаў:

• LEGO (цацкі, сусьветна вядомыя дзіцячыя канструктары)
• Carlsberg (Карлсбэрг, адзін з найбуйнейшых бровараў сьвету)
• Tuborg (бровар, брэнд цяпер належыць Carlsberg)
• Stimorol (жвачка, папулярная ў Скандынавіі і былым СССР)
• Maersk Group (сусьветна вядомая фірма ў галіне марскога і наземнага транспарту)
• Group 4 Securicor (паслугі па бясьпецы; па памеры — другая ў сьвеце кампанія ў галіне бясьпекі)
• Bang & Olufsen B&O (электроніка)
• Danfoss (кандыцыянэры, ацяпленьне, і г.д.)
• Danisco (ежа, з акцэнтам на экалягічна чыстыя, натуральныя прадукты)
• Danske Bank (адзін з найбуйнейшых банкаў Скандынавіі)
• Egmont (выдавецтва, гігант мэдыя-бізнэсу)
• Grundfos (адзін з сусьветных лідэраў у галіне вырабаў помпаў)
• Lundbeck (фармацэўтычная фірма, зь мільярдным абаротам)
• Novo Nordisk (фармацэўтыка, найбуйнейшы ў сьвеце вытворца прадуктаў для дыябэтыкаў)
• Scandinavian Airlines System, SAS (авіялініі; часткова належыць Даніі)
• Secunia (кампутарная бясьпека)
• TDC (тэлекамунікацыі)
• William Demant (ахова здароўя)
• Arla Foods (ежа, малочныя прадукты; ужо байкатуецца ў Савудаўскай Арабіі, страціла мільёны даляраў)
• Terma (аэранаўтыка, космас, радары, абаронная і ваенная прамысловасьць) — У Белай Галяндыі яны запрасілі мяне на інтэрвію, і я думаю, я меў бы добрыя шанцы атрымаць працу, але ў мяне аказаўся пашпарт “няправільнай” нацыянальнасьці. Паколькі яны працуюць з ваеннымі і “абаронкай”, пераважная большасьць супрацоўнікаў фірмы — грамадзяне Эўразьвязу. І для мяне выключэньня, на жаль, не зрабілі.

Так што, купляйма Дацкае!

ЗЫ. І яшчэ, прашу лічыць гэтую кропку — . — карыкатурай на прарока Мухамада.

This entry was posted on Friday, February 3rd, 2006 at 6:33 pm and is filed under Эўропа. You can follow any responses to this entry through the RSS 2.0 feed. You can leave a response, or trackback from your own site.