Вэбсайт “Эўрапейскага радыё”
Сяньня адразу ў некалькіх блоґах зьявілася інфармацыя пра вэб-сайт даўно абяцанага мэдыя-праекту Эўракамісіі для Беларусі. На жаль, я зараз ня маю часу падрабязна пісаць пра гэты цуд-СМІ, таму адно толькі пералічу некалькі фактоідаў і падзялюся першымі ўражаньнямі (сваімі і “пазычанымі” ў іншых блоґераў):
Вэб-сайт
- Сайт зроблены на бясплатнай оўпэнсорснай плятформе PHP-Fusion. Гэта азначае дызайн і распрацоўка сайту не каштавалі ні капейкі, а ўся праца над сайтам, мусіць, заняла ня больш, як 3-4 гадзіны;
- Каляровая палітра — вусьцішная цёмна-сталёвая (theme Lithium), як на сайце гакэра-пачаткоўца, дзяўчынкі-ґота або схільнага да суіцыду тынэйджэра ў глыбокай дэпрэсіі;
- Ляґатып “ERB Еўрапейскае радыё на Беларусі” па непрафэсійнасьці і брыдкасьці можна параўнаць хіба толькі з напампаваным чалавечкам “Мішэлін” (ERB, аднак, б’е яго па ўсіх пунктах);
- Я спрабаваў зарэгістравацца ў іх, але мне на скрынку Yahoo! так і не прыйшло пацьверджаньне пра рэгістрацыю, так што зарэгіцца не атрымалася. А значыць я не магу ані галасаваць, ані пакідаць комэнты на форумах;
- На сайце ўжываецца савецкі правапіс;
- На сайце шмат моўных памылак;
- На сайце і нават у самой назьве ўжываецца не зусім правільная форма “на Беларусі” (замест “у Беларусі” або ў дадзеным выпадку “для Беларусі”). FYI, канструкцыю “на Беларусі” пазьбягае нават газэта “Звязда”, бо сынтактычна гэта ў пэўным сэнсе ўказвае на тое, што “Беларусь” разглядаецца як рэгіён нейкай іншай краіны, а не асобная краіна (cf. на Поўначы, на Кубані, на Алтаі; у Польшчы, у Латвіі, у Даніі);
- Кантэнту практычна няма: на гэты момант тры артыкулы (зь іх адзін па-расейску) і дзясятак караценькіх навінак;
- Няма кантактнай інфармацыі, старонкі “эбаўт” ці нейкай іншай ідэнтыфікацыі й інфармацыі пра вяшчаньне і арганізацыю;
- Незразумелая і недарэчная флэшка з гадзіньнікам;
- Дамэн зарэгістраваны ў .fm, як быццам радыё будзе вяшчаць на fm-хвалях;
- Вельмі нізкі bit-rate — жудасная якасьць гуку (24 Kbps!);
- Сувязь з сайтам абрывалася разы чатыры (прыблізна раз на гадзіну);
- У Беларусі з дайл-ап’ам слухаць онлайн-радыё наўрад ці нехта будзе;
- Страшныя колеры (ўупс, я ўжо пра гэта сказаў);
Сёньняшні эфір (паслья трохгадзіннага праслухоўваньня):
- 98% эфіру складае музыка;
- З гэтай музыкі каля 80% — заходняя музыка, 20% — беларускамоўны рок;
- Заходняя музыка “на аматара” — выключна папса канца 1980-х, пачатку 1990-х і мяккі ціпа-рок. Некаторыя ўжо прапанавалі даць назву станцыі “Рэтра-90″;
- Навіны чытаюцца на фоне музыкі. І іх вельмі мала;
- За гадзіну, здаецца, два разы гучыць караценькі выпуск навінаў, два разы — караценькі агляд прэсы і адзін раз — надвор’е. За тры гадзіны, што я слухаў эфір ні прэс-рэвію, ні навіны не абнаўляліся (відаць, пускалі іх у запісу);
- Адзін з дыктараў — стары знаёмы па іншых радыё-праектах, з прыгожым радыйным голасам і прыгожым беларускім прозьвішчам, але чамусьці для гэтага праекту ён абраў сабе ідыёцкі расейскі псэўданім — Віктар Чайкін;
- Іншая дыктарка, Каця Золатава (таксама псэўданім?) мела адносна дрэнную дыкцыю. Напрыклад, часам вымаўляла [в], замест [ў], а таксама няправільна вымаўляла ненаціскны беларускі гук [а], ён у ёй быў рэдукаваны, як у расейскамоўных;
PR:
- Рабяты запусьцілі сайт у адкрытае плаваньне, але па тэлефоне адмаўляюцца даваць камэнтары для СМІ, заяўляючы, што праект яшчэ не адчынены;
Пазытыў:
- Такі “піяр” дае нам, блогерам, магчымасьць апярэджваць традыцыйныя СМІ, і паведамляць пра пракет яшчэ да таго, як ён запушчаны;
- У эфіры зусім няма расейскай папсы;
- Гучыць добрая беларуская музыка, “забароненая” музыка, некалькі вельмі добрых песень па-ўкраінску (ВВ, Океан Эльзы і іншыя);
- Гучыць шмат старога “Ўліса”;
- Заходняя папса не такая ўжо і кепская. Я нават адчуў пару разоў нейкія настальґічныя штуршкі ў падсьвядомасьці, слухаючы гэтае рэтра;
- Паслухаў выпуск навінаў зараз — ён ужо цалкам абнавіўся;
- Выпадкова пачуў у эфіры стары джынгл “Хто-хто? Надвор’е!” з 101.2FM — вельмі сымпатычненькі. У 1995 годзе ў мяне можна амаль без перабольшваньня сказаць прачнулася любоў да нашай мовы (і жаданьне на ёй размаўляць), менавіта ад гэтага джынглу і некаторых іншых файных беларускамоўных джынглаў і перадачак 101.2FM.
Мой папярэдні вэрдыкт: вэб-сайт атрымлівае тлусты “неуд” і патрабуе кардынальнай перапрацоўкі. Эфір не такі ўжо і кепскі, як для пачатку.
ЗЫ. Duh… Напісаў вялікі запіс пра сайт, а ўласна лінк-та забыўся даць… http://www.belradio.fm/.
ЗЫ-ЗЫ. Калі нешта прапусьціў, калі ласка, пішыце ў комэнты.
February 10th, 2006 at 6:34 am
Цалкам згодзен! Калі ўбачыў, што рухавік сайту нейкі нюкаўскі (ну, Fusion, ніякай розьніцы), быў у шоку. А этэр не такі і дрэнны. Але якасьць нізкая. Можна было б зрабіць выбар для карыстальнікаў: нізкая, сярэдняя, добрая. Мне, ў эканамічным пляне, больш падыходзіць тое, што зараз, бо трафіку не шмат губляецца, але і паслухаць хочацца чаго-небудзь больш прывабнага…
February 10th, 2006 at 9:54 am
зарэгістравацца ў мяне атрымалась, але нешта там яшчэ форум не працуе - не знайшоў я, як дадаць запіс у адзіную тэму. толькі прыватнае паведамленьне аўтару можна…
February 10th, 2006 at 10:08 am
Наколькі мне вядома, гэты праект па-ранейшаму не мае ад Еўракамісіі грошаў, ідуць перамовы. Вэб-сайт запушчаны ў тым ліку для таго, каб паказаць, што ўжо магчымы “пілотны” выпуск нечага… але - гл. “не мае ад Еўракамісіі грошаў”. Па заўвагах згодная поўнасцю, спадзяюся, у бліжэйшы час сітуацыя зменіцца, калі ў іх ёсць здольныя на тое людзі. Дыктарка - не прафесійная радыйшчыца. Наколькі мне вядома.
February 10th, 2006 at 1:07 pm
Першыя ўражаньні — ((. Угулам можна сказаць так: музыка — для тых каму за 40, выпускі навінаў па форме нагадваюць “радыёкропку”, пасьля якой людзі плююцца ад беларускай мовы. Спадзяюся, што далей будзе лепш.
February 10th, 2006 at 2:25 pm
а вось ццікава ці мае гэты сайт дачыненне да таго, што робіцаа ў беластоку.
February 10th, 2006 at 2:33 pm
beatleofdoom: А што робіцца ў Беластоку?
February 10th, 2006 at 2:37 pm
рацыя. да мяне звярталіся.
February 10th, 2006 at 2:37 pm
рацыя. да мяне звярталіся. здаецца з 15-га павінныя пачаць
February 10th, 2006 at 3:05 pm
beatleofdoom: Не, наколькі я ведаю, Радыё Рацыя — польскі праект — аднаўляе вяшчаньне на грошы польскага ўраду. Да тэндэру Эўракамісіі ніякага дачыненьне ня мае. Гэта самастойнае рашэньне польскага ўраду. А дамэн у іх, пэўна, застанецца ранейшы:
* http://www.racyja.of.by/
February 10th, 2006 at 6:07 pm
мне непонятно, почему начата работа, если нет ещё, как я понял, окончательного решения по поводу открытия радио?
February 10th, 2006 at 6:19 pm
Это пока пилотное вещание чтоб показать, что за пол года кое-что сделано. Потом посмотрим. Но формат должен остаться.
February 10th, 2006 at 6:51 pm
macsim_by: “почему начата работа, если нет ещё, как я понял, окончательного решения по поводу открытия радио?”
Гэта самае дзіўнае. Ondrej вунь кажа, што гэта пілётнае вяшчаньне. Але ж я баюся, яны могуць вельмі моцна папсаваць свой імідж такімі пілётнымі штучкамі.
February 11th, 2006 at 3:07 am
Заўваж, сайт зьмяняецца. Што да карыстаньня бясплатным рухавіком. То тут я лічу важна эканомія сродкаў і нічога адмоўнага я тут ня бачу. Хаця чаму было ня ўжыць куды больш распрацаваныя Друпал ці Джумлу?!
February 11th, 2006 at 1:44 pm
У сайта Европейского радио случилась преждевременная эякуляция. :)
February 11th, 2006 at 8:44 pm
О! Толькі што праслухаў выпуск навінаў — значна лепш з новай вядучай і цяпер тарашкевіцай. Музычную застаўку хацелася б іншую..
March 1st, 2006 at 2:56 am
Усё будзе добра!
March 4th, 2006 at 1:46 pm
А дзяўчынка, якая чытае навіны, вучылася дзе-небудзь? Жахліва!!! Голас непрыгожы і няўцямна чытае. Няўжо ў нас так мала дасьведчаных радыё-журналістаў? Можа і так… Таму і ўзялі абы-каго.
March 7th, 2006 at 5:28 pm
[…] 1) Мы маем прыміціўненькі вэб-сайцік з онлайн-музычкай і неарыгінальнымі навінамі (belradio.fm, пра які мы ўжо гаварылі); […]
May 11th, 2009 at 7:45 am
price compare propecia
buy cheap propecia. oxandrolone and propecia. online pharmacy propecia sale. discount propecia. ketoconazole vs propecia for hair loss. does propecia stop balding.
September 12th, 2009 at 9:29 pm
buy cheap tramadol online 35
tramadol great buy. buy tramadol online cod. buy tramadol cheap medication 35009 buy. side effects tramadol. tramadol ultram. tramadol 180 tablets.
August 10th, 2011 at 4:08 am
Purchasing sunglasses wholesale is the best deal that you can have. Most of the population are somewhat skeptical in buying Ray Ban 4088 on wholesale rates as they sense that the rates are very small and thus the sunglasses would in addition be substandard which is not at all true. There are many of bids that you often find on the mesh giving you the pick of paying for sunglasses at a bargain rate. They trade these sunglasses at wholesale charge thus population get the superiority of paying for Ray Ban 4128 at a much smaller rate.
If you have flamboyant over designer sunglasses then you can in addition have your highly appraised portion and many of them by paying for wholesale. The wholesale pick gives you the superiority of attaining more than one sunglass at a very small rate as weighed against to the very high cost accused by retailers on a solitary portion of designer sunglass.
November 2nd, 2011 at 11:04 am
Get Scholarships for Minorities
[…]right here are some links to internet websites I always link to for the fact we believe they are worthwhile visiting[…]
January 31st, 2012 at 8:12 pm
Эўракамісіі для Беларусі. На жаль, я зараз ня маю часу падрабязна пісаць пра гэты цуд-СМІ, таму адно толькі пералічу некалькі фактоідаў і падзялюся першымі ўражаньнямі (сваімі і “пазычанымі” ў іншых блоґераў):