br23 - два бакі аднаго блогера

А другой гадзіне ночы я ўжо зьбіраўся сыходзіць з офісу, калі прыйшла другая зьмена. “Як там у Менску?” — пытаецца Ш. “Усё ціха”, — адказваю я, пазяхаючы, павольна апранаю куртку. Раздаецца званок — “Ало”. М. з Кастрычніцкай плошчы — “Набяры мяне. Спэцназ рыхтуецца да штурму”.

А шостай раніцы я выйшаў з будынку, на золку. Першы раз убачыў праскі сьвітанак — цёмнасіняе неба з ружовымі барвамі на Ўсходзе. Пакуль ішоў дахаты, ужо наступіў новы дзень. Зараз з вакна гляджу на чысты-чысты блакіт неба; бачу першыя промні сонца; удыхаю сьвежае і халоднае сакавіцкае паветра; адчуваю ўпэўненасьць у нашай будучыні. Гэта наш новы дзень.

Я ведаю, што праўда пераможа. У Беларусі будзе свабода. Ілжывая і трусьлівая савецкая поскудзь сыйдзе з нашай зямлі. Сёньня яна падпісала сабе сьмяротны прысуд.

This entry was posted on Friday, March 24th, 2006 at 6:37 am and is filed under беларускія падзеі, Чэхія. You can follow any responses to this entry through the RSS 2.0 feed. You can leave a response, or trackback from your own site.