br23 - два бакі аднаго блогера

Некалькі дзён таму Акадэмічны сэнат Карлавага ўнівэрсытэту прыняў адмысловую заяву да беларускіх студэнтаў і моладзі. Вось беларускі пераклад тэксту, які я атрымаў ад свайго сябра Ільлі Глыбоўскага (belcentrum.org):

Шаноўныя сябры!

Як студэнты і выкладчыкі вышэйшых школаў і ўнівэрсытэтаў Чэскай Рэспублікі хочам падтрымаць Вас у змаганьні супроць дыктатуры, якая пануе ў Вашай краіне. Мы вельмі добра памятаем наш 1989 год, калі ў Чэхаславаччыне, у тым ліку дзякуючы студэнтам, паў камуністычны рэжым. Мы лічым, што нешта падобнае хутка здарыцца і ў Вас. Мы хочам Вас падтрымаць у гэтым памкненьні.

Каб нашая дапамога была як мага больш адчувальнай, хочам Вас папрасіць, каб Вы нам напісалі, што для Вас у гэты час найбольш важна. Мы можам Вам прапанаваць фінансавую, матэрыяльную ці палітычную падтрымку (ініцыяваць ціск на чэскі ўрад і дэпутатаў, а празь іх і на органы Эўрапейскага Зьвязу). Напішэце нам калі ласка, што для Вас зараз зьяўляецца найбольш актуальным.

Чэскі ўрад на мінулым тыдні ўхваліў адозву, паводле якой студэнты, якія будуць за свой удзел у дэманстрацыях выключаны з навучальных установаў, будуць мець магчымасьць працягнуць навучаньне ў чэскіх унівэрсытэтах. Калі Вы ці нехта з Вашых сяброў вырашыце скарыстацца гэтай магчымасьцю, то можаце разьлічваць на нашую дапамогу. Ніжэй прыводзім некалькі адрэсаў, на якія можаце зьвярнуцца – хай па параду, фінансавую дапамогу ці дапамогу з жытлом у Празе.

Зь сяброўскім вітаньнем,

Сябры Акадэмічнага сэнату Карлавага ўнівэрсытэту ў Празе

Адзін з кантактаў у Акадэмічным сэнаце:

Jakub Jareš
Faculty of Arts and Philosophy, Charles University in Prague
jakubjares@centrum.cz
+420-776-017-950

This entry was posted on Thursday, March 30th, 2006 at 12:02 pm and is filed under Чэхія, Беларусь. You can follow any responses to this entry through the RSS 2.0 feed. You can leave a response, or trackback from your own site.