“Нашай Ніве”
Віншую ад душы, панове,
З трохлецьцем вашае дзіця -
Газэту ў беларускай мове.
Віншую ад душы, панове,
Яе, і ў простым, шчырым слове
Жадаю доўгага жыцьця.
Віншую ад душы, панове,
З трохлецьцем вашае дзіця.
Гэтыя радкі напісаў у 1909 годзе лорд Байран беларускай мовы, наш Максім, на 3-гадовы юбілей “Нашай Нівы“. А ў 2006 годзе, у год 100-гадовага юбілею ґазэты, чыноўнікі Лукашэнкі хочуць закрыць гэтую леґендарную, фактычна, першую беларускую ґазэту. Што можа быць больш якрім прыкладам і пераканаўчым доказам таго, каму належыць улада ў сучаснай Беларусі?
Учора на вуліцы беларускай сталіцы выйшлі каля трохсот чалавек [фотарэпартаж]. Яны прайшлі шэсьцем ад Кастрычніцкай плошчы да плошчы Перамогі, трымаючы ў руках ґазэту “Наша Ніва”, такім чынам выказваючы падтрымку першай беларускай ґазэце. Спэцназаўцы затрымалі больш за дзясятак удзельнікаў акцыі. Што можа быць больш яркім прыкладам і пераканаўчым доказам таго, каму належыць улада ў сучаснай Беларусі?
