Яны забілі Мілінкевіча
Я выходжу на вуліцу Маякоўскага ў Менску, хачу перайсьці на другі бок да прыпынку тралейбусаў і бачу, што мэтраў за сто ад мяне дарогу пераходзіць Аляксандар Мілінкевіч. Раптоўна з-за чародкі тралейбусаў на хуткасьці 200 км/г выскоквае чорны “BMW” з расейскімі нумарамі і як маланка зрэзае яго. Нібы лялька з пап’е-машэ цела Мілінкевіча пераломваецца, адлятае ўсё пераламанае як зьбітая самалётам птушка.
Таксі побач няма, і я хутка бягу да тралейбуснага прыпынку. У тралейбусе толькі пра гэта і гавораць. Як хваля ад выбуху па салоне тралейбусу ідзе шакуючая навіна: “Яны забілі Мілінкевіча, яны забілі Мілю, забілі Мілю, забілі, забілі…”
Малады чалавек панкаўскага выгляду ня верыць, сьмяецца: “They killed Kenny!”
Удома я хутка ўключаю кампутар і лагінюся ў блог, пішу:
“Расейцы забілі Мілінкевіча”
Ужо праз хвіліну зьяўляецца першы камэнтар, ад Lipkovich‘а, з нумарамі “BMW”, прозьвішчам і адрас расейца, на якога зарэгістраваны аўтамабіль: “Кузнецов А.И., Москва, …, 095-…” Ліпковіч робіць у сваім ЖЖ надпіс на паўэкрана, мэгашрыфтом:
“руССкие свиньи убили Милинкевича”
Праз хвіліну мне прыходзіць яшчэ адзін камэнтар: зь імёнамі замоўцаў і лінкамі на mp3 з размовамі. Як вынікае з аўдыё, арганізацыяй забойства займаўся Павел Барадзін, сакрытутка гэтак званай “саюзнай” дзяржавы…
Пакуль я слухаю mp3 мой блог закідалі дзясяткамі комэнтаў – падышлі расейскія ПОЦтрыёты з ЖЖ. Комэнты ўва ўсіх амаль аднолькавыя: “Сьмерць бульбашам. Забілі Мілю, заб’ем і вас! Белоруссия будет нашей.” І фоты дохлых мышэй ды пацукоў. А пад здымкамі пацукоў подпіс:
“Меня интерисуют только мыши
их стоимость и где преобрести”
Расейскі сэктар ЖЖ пачынае бурна радвацца з нагоды забойства…
…Я прачынаюся ў сваёй спальні ў Празе, іду на кампутара і даведваюся, што сёньня ў Віцебску памёр Плешчанка, а Мілінкевіч кладзецца ў шпіталь.
May 20th, 2006 at 1:47 pm
Мілінкевіч сапраўды кладзецца ў шпіталь?
May 20th, 2006 at 1:59 pm
Я пачуў ад знаёмага, блізкага да Мілінкевіча, што ў бліжэйшы тыдзень два ён плянуе. Падрабязнасьцей ня ведаю. Спадзяюся, што нешта “прафіляктычнае” і “плянавае”.
May 20th, 2006 at 3:08 pm
адмін: дзе гэткую траву можна знайсьці? =)
шкада Плешчанку - даволі малады яшчэ быў…
May 20th, 2006 at 8:01 pm
wolny: а што ў цябе сны не адрозьніваюцца ад рэальнасьці? Гэта якраз-такі быў адзін з самых кагэрэнтных сноў, якія я толькі памятаю.
May 21st, 2006 at 12:49 pm
[…] Ping Back “Для тых, хто ў танку, папярэдні допіс — гэта ня “траўка”, а транскрыпт майго сну, які ўразіў мяне сваёй надзвычайнай рэалістычнасьцю і кагэрэнтнасьцю” […]
May 22nd, 2006 at 10:19 am
у мяне сеньня быў вельмі яскравы сон (даўно такіх не было) як майго дзіценка падмянілі ў радзільні - прачнулася ў сьлязах і халодным пату